Umiakpakyuakkuurutit
Umiakkuurutit atuqpagait atuqhimmaaqniaqhugu tamainnut Nunavunmi nunallaanut nunamiittunullu piyaanginni ukiungani aquiqtuqtamingnik uhiyit hunavalungnut atuqniaqtanginnut ukiunganut. Ihuatqiyauhimmaaqtuq uhitjutigivlugu niuvikhimayanik ukiuqtaqtumut. Ukiuq tamaat, umiat umiakturpaktut hivuraanit Kanatami Umianut Tulaktarviinnit uhivlutik igluliurutikhanik, akhaluutinik, akhaluutikyuanik, iglunut atugakhanik niqiniklu.
Agitjivikhainut naunaitkutat umiakkut tuhaqtitjutigivagait naunaittumiklu atuqhugit ilaani kihimi hilaklukpaktuq tariumi ilaani umiakturnaittuq, tariumi hikulu pitjutigiyait umiakturtitlugit upaknahuaqtamingnut aalannguqpaktut ilaani.
Pivaktaraluangit, umaikturlikpaktut akunngani nungutinnagu Immaktirvia nunguliraangatlu Tattiaqnaqvia ukiuni tamainni.
Pitinnagit aviktuqhimayumut Nunavunmik (Nunakput), ukuat Canadian Coast Guard-kut havaarivagait ihuaqhaivlutik upalungaiyakpakhutiklu ikayuqhutik ukuninga kivataani ukiuqtaqtumi umiakkut agitgiyakhainik hunavalungnik uqhuqyaniklu aallatkiinut umiakkuurutinut. Una havaktautjutaa nuutpagaat ukununga Kavamanga Nunavunmut (GN). Kavamatkut kaantraaliqiyiit, una Nunaliriyiit Kavamaliqiyiitkullu (CGS) havaariyaat ukiungani niuviktauhimayunik umiakuuqhugit Uqhuqyauliqiyitlu havakhugit uqhuqyuanik atuqtauniaqtunik umiakuuqhugit.
CGS-kut havaarihimmaaqtaat niuvikpakhutik upalungaiyautikhanullu ikayuqhutik havaarivlugu umiakkuurutit kavamatkunut. GN-kut (havakatigiyailu) havaktitpagait naunaikhimayut umaikkuuknahuat agitjiyaanginni niuviktauhimayunik havakvimingnut tamainni nunallaani. Nunavunmiittut inuit nanminiqaqtullu ikayuqtaunginnarialgitlu aatjikkiiktunit pitquyainik qanuriliurutikhainiklu uqarivlugit ihuarhaqhimayangit ukuat naunaikhimayut umiakkuuknahuat agitjilutik niuvikhimayanik.
Naunaikhiyaangini qanuq aturianginni umiaktuurutit niuviknahuaqtangnut, aalanik naunaitkutaqaqtuq uvuuna qaritauyakkut takuyakturviani naunaikvigilugulu naunaikhimayuq umiakturnahuaq nunallaangnut (Takulugu tuhaqtitjutinut Tuhaqtitaiyut ataani). Uumani ukiungani, CGS-kut piliuqtut Naunaitkutakhamik atiqaqtumik umiaktuurutikhanut "How to Sealift" (Kakugunnuaq Piniaqtaat) hamanit piinnarialik. Ilihimayakhatit umiakkuurutikhanut umikvikhaa ublua nunallaangnut ihuaqhilugillu ihumagiyauyut naunaikhimayut Naunaitkutami ukunatut puuktuinirmut, havaariyaannut piyaamilu piyaghait ihuaqtumik ayuqhautiqaqnaittumik umiakkut aquiqturiami. Naunaitkutakhanik piyumaguvit, uqaqvigilugu:
Atannguyaq Upalungaiyaunikkut:
Niuviktittiyit, Upalungaiyaunikkut Kaantraanut Ikayuqtitlu
(867) 975-5437
(888) 390-0111
sealift@gov.nu.ca
Titirqangit
Links to Service Providers
|
