CGS

Inuktitut | English | Inuinnaqtun | French



Hikutirvia 25,2020 Nunaqyuami Inungnun Qilamiungnikkut Uuktuutit

Huna pidjutauva uuna Qilamiungnikkut?

Una qilamiungnikkut uuktuut Upalungaiyautkkut Auladjut. Una auladjut tunihiyut akhut uvlau inungnik anaktuidjutikhaq qilamiungnikku Kanatamiut haffumuuna tiviikkut, nalautikkut uvalukut atayuq uvlau ihuaqtuq alguyaqangitut atuqtauyukhat.

Nunalingni Kavamatkunnilu Pivikhaqautikkut, Qilamiungnikkut Munaqhidjutikkut Havakvia iligiiqatigiliqtait hapkua Qilamiungnikkut Upalungaiyautit uvalu aalat tigumidjutiqaqtut tunihiiyangani una uuktuut tuhaqtitinikkut Nunavunmi.. Tugaaqhimayuq piyaangnikkut ihunangikhaa Nunavunmi pihimadjutaa.

Kitkut ilauyut?

Qilamiungnikkut Upalungaiyautit havaktauhimayut amigaituni havaqatigiiktut, ilauyut Nunalingni Kavamatkunnilu Pivikhaqautikkut, Qilamiungnikkut Munaqhidjutikkut Havakvia,aalat kanatami, aviktuqniini uvalu nunatsiami qilamiungnikkut munagidjutikkut havaktit, Avatiliqiyit uvalu Hilap Aalanguqtingnigagut Kanatami, Pelmorex, tuhaqtitinikkut havakvikyuaq uvalu alguyaqtungitunik kivgaqtuqtitiyut.

Humi hapkua qilamiungnikkut tuyuqtuiniaqat?

Nunamingni Kanatami tuhaqtitiyut qungiaqtiniaqtait qilamiungnikkut tuhaadjutit. Nalautikkut aulaniaqtuq tuhaqtidjut haffumuunga CBCkut nalautaatigut. Tigumianun tuhaqtidjutit piyauniaqtut alguyaqtungitutigut hivayautikkut atauyut haffumunga LTEmun atadjutainun ihuaqhaqhimayut piyaangini uuktuutit tuhaqtidjutit.

Huuq una pivigu tuhaqtidjut?

Nunalingni Kavamatkunnilu Pivikhaqautikkut, Qilamiungnikkut Munagidjutikkut Havakviit havaqatigiblugit hapkua Qilamiungnikkut Upalungaiyautit, uuktuqlugit qilamiungnikkut auladjutikkut tuhaqtidjutit tuniyauyut ihuaqtumik uvalu atuguminaqtumik atuliqat qilamiungniq. Uuktuutit qauyimanikkut ilihaidjutaat Kanatamiut hunat qilamiungnikkut qauyimayakhat qanuqtut takunaqqa nipaalu pidjutauliqat inuuhingmun qayangnangningmun atuqtauliqqat.

Qanuq hapkua hulaqutiginiaqigit?

Hapkua uuktuutit hulaqutiniaqtut Tiiviinun uvlau Naalautikkut auladjutainun avatqulimaituq thirty seconds uvalu naamavyaktuq eight second tuhaqtitinikkut nipaa tigumianun atuqtauyunun.

Qanuriliurniaqqik?

Hugiyakhaungitut inungnun piugumikku hapkua uuktungnikkut tuhaqtidjutit.

Huuq pingitpgit tuhaqtidjutit?

Tigumianun atuqtauyunun ihuaqniit, atayut haffumunga LTE atadjutainun, hivayautit napagianginun piinagialgit uvalu pidjtait, atuqtauyut tamayait uvalu ihuaqhaidjutait pidjutiginiaqtait tigumianun uuktuutit tuhaqtidjutait. Takulugit ukua Qanuq Qinigiani LTE Ihuaqhaidjutait Ihuaqhaqhimayutliugaqhimayut titiraqhimayut uvani makpingniani kangiqhidjutikhat qanuq qinigiangani atuqtat atayaahaanik haffumunga LTEmun.

Nunallaat ikitpalaaqat pihimayut Tiiviit naunaitkutainik, uuktuut tuhaqtidjut tuyuqtaulimaituq hilahiutip qungiaqviani. Naalautikkut tuyuqtautait havaktuniaqtut hapkunuuna CBCkut aviktuqhimayuni naalautini tuhangnalimaitut nunamingni naalautini.

Qanuq Qiniutikhaa Ilvit LTE Ihuangnikkut Ihuaqhaidjutait

Tigumianik hivayautinik Atuqtut: Ihuaqtuq atuqtauyut atayukhat haffumunga LTEmun atadjutainun talvanga qilamiugut tuyuqtaukpat. Naunaitkutaa, ituq hamani qulaani taliqpiani atuqtangni, ikayuutiginiaqtat naunaiyagiangani kitumun atadjutaanun ilvit atadjutiqaqtutit.

Tigumianik hivayautinik Atuqtunun: WPA-ihuaqtut atuqtauyut atayukhat haffumunga LTE atadjutaanun talvanga qilamiugut tuyuqtaukpat. Naunaitkutaa, ituq hamani qulaani taliqpiani atuqtangni, ikayuutiginiaqtat naunaiyagiangani kitumun atadjutaanun ilvit atadjutiqaqtutit.

Kihimi, akhuungnaqtuq kangiqhimalugu nayugaqaguvin LTEmun atadjutiqangingmun, hulidjutit atuqtangnun talvanga qilamiugut tuyuqtaukpat hulaqutiqangniaqtuq piyaagutingnun. Uuktuutigilugu:

  • Ihuaqhaqhimagungni atuqtat uvungainaq Wi-Finginangmun, pilimaitatit tuhaqtidjutit qilamiugutit.
  • Nipiliugutiqaguvin talvanga qilamiugut tuyuqtaukpat, pilimaitat qilamiungnikkut tuhaqtidjut. Nipiliuqhimayut ivayaqtauyut atalimaitut haffumunga LTE atadjutaanun, imaa 3Gmun, talvaniitkaluaqtilutit LTEmun atadjutiqangningmi.
  • Talvaniitkuvik naunaitkutait piyaangini ayungnangniaqtut talvanga tuyuqtaukpat qilamiugut, ataani nunap akhaluutiqagviani, pilimaitat tuyuqtauhimayuq qilamiugut.

    Hunat atugahat Qilamiungnikkut Munagidjutikkut Havakviit havaliqat piyaangani tadja uuktuutit NEMkut tuyuqtauniaqtut tuhaqtidjutinik Nunavunmiunin qagitauyakkut NPAS@gov.nu.ca atungniaqtait tapkua uqagauyut ihumaliugutigilugit tikidjutait uvalu atuguminaqniit uuktuutip. Piqaqa quyaginaq aalamik qanugiliurutikhanik Nunavunmiun ilituripkaqtauyaangini qilamiungnikkut atulirumikku

    Atuliqqat qilamiungniq hivayangniaqtaqqut haamlat humi qilamiugut atuqtauliqtuq uvalu tyungniaqtaat tuhaqtidjut Nunavunmiunun tuhaqtidjutikkut naunaikutimingni. Tamna tuhaqtitiluni nunamingni naalautikkut uvlauuniin atuqlugit ikayuutit nunatigut tuhaqtitaangani tuhaqtidjutikhaq.

    Humili kangiqhittiangniagaluaqik?

    Kangiqhitigagumaguvin mikhaagun Qilamiungnikkut Upalungaiyautikkut Auladjutinik, takulugu qagitauyaliqivingmi Alertready.ca. Kangiqhidjutikhanik hulaqutinun Nunavunmun, qagitauyakuuqtitilutit NPAS@gov.nu.ca quyaginaq apiqhuutinik uvlau/uvaluuniin ihumaaluutigiyangnik.

    • Nunavut Amirnaqtunut Munaqhiyit