|
|
Inuktitut | English | Inuinnaqtun | French ᓄᕕᐱᕆ 25, 2020 ᑲᓇᑕᒥ ᑐᐊᕕᕐᓇᖅᑐᖃᓕᕐᓂᖅᐸᑦ ᐅᐸᓗᖓᐃᔭᐅᑎᒃᓴᓂᒃ ᖃᐅᔨᓴᕐᓂᖅᑭᓱᒥᒃ ᐱᔾᔪᑎᖃᖅᐸ ᖃᐅᔨᓴᕐᓂᖅ?ᐅᓇ ᖃᐅᔨᓴᕈᑎ ᖃᐅᔨᓴᕈᑕᐅᓂᐊᖅᑐᖅ ᑐᐊᕕᕐᓇᖅᑐᖃᓕᕐᓂᖅᐸᑦ ᐅᐸᓗᖓᐃᔭᖅᓯᒪᖕᒪᖔᑦ ᐱᓕᕆᔾᔪᓯᕐᒥᒃ. ᑖᓐᓇ ᐱᓕᕆᔾᔪᓯᖅ ᑐᓴᖅᑎᑦᑎᔾᔪᑕᐅᕗᖅ ᐃᓅᓯᕆᔭᐅᔪᓂᒃ ᐊᓐᓇᒃᑎᑦᑎᔾᔪᑕᐅᔪᓐᓇᖅᑐᓂᒃ ᑲᓇᑕᒥᐅᓄᑦ ᑕᓚᕖᓴᒃᑯᑦ, ᓈᓚᐅᑎᒃᑯᑦ ᐊᒻᒪ LTE-ᒃᑯᓐᓄᑦ ᐊᑦᑕᑕᖅᓯᒪᔪᑦ ᓴᕕᒐᐅᔭᖃᙱᑦᑐᓪᓗ ᑐᓴᐅᒪᔪᓕᕆᔾᔪᑎᓄᑦ. ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ, ᑐᐊᕕᕐᓇᖅᑐᓕᕆᔨᒃᑯᑦ ᐱᓕᕆᖃᑎᖃᓕᖅᑐᑦ ᑐᐊᕕᕐᓇᖅᑐᖃᓕᕐᓂᖅᐸᑦ ᐅᐸᓗᖓᐃᔭᖅᑎᓂᒃ ᐊᓯᖏᓐᓂᒡᓗ ᐱᖃᖃᑕᐅᔪᓂᒃ ᑐᓴᖅᑕᐅᑎᓐᓂᐊᕐᓗᒍ ᖃᐅᔨᓴᕈᑕᐅᓂᐊᖅᑐᖅ ᓄᓇᕗᒻᒥ.. ᑐᕌᒐᖃᖅᑎᑕᐅᔪᖅ ᐊᑑᑎᖃᑦᑎᐊᕐᓂᕆᔭᖓᓂᒃ ᓄᓇᕗᒻᒥ. ᑭᒃᑯᑦ ᐱᓕᕆᖃᑕᐅᕙᑦ? ᑐᐊᕕᕐᓇᖅᑐᖃᓕᕐᓂᖅᐸᑦ ᐅᐸᓗᖓᐃᔭᕐᓂᖅ ᓴᖅᑭᑕᐅᓚᐅᖅᓯᒪᔪᖅ ᐊᒥᓱᓂᒃ ᐱᓕᕆᖃᑎᒌᒃᑐᓂᑦ, ᐃᓚᐅᓪᓗᑎᒃ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ, ᑐᐊᕕᕐᓇᖅᑐᓕᕆᔨᒃᑯᑦ, ᐊᓯᖏᑦ ᑲᓇᑕᒥ ᓄᓇᕘᒥᓗ ᑐᐊᕕᕐᓇᖅᑐᕕᓕᕆᔨᒻᒪᕆᒃᑯᑦ, ᐊᕙᑎᓕᕆᔨᒃᑯᑦ ᓯᓚᐅᑉ ᐊᓯᔾᔨᖅᐸᓪᓕᐊᔪᓕᕆᔨᒃᑯᖏᓪᓗ ᑲᓇᑕᒥ, Pelmorex, ᓈᓚᐅᑎᓕᕆᔨᒃᑯᑦ ᐊᒻᒪ ᓴᕕᒐᐅᔭᖃᙱᑦᑐᓂᒃ ᐱᔨᑦᑎᕋᖅᑎᒃᑯᑦ. ᓇᒧᑦ ᖃᐅᔨᓴᒐᒃᓴᓂᒃ ᑐᓴᖅᑎᑦᑎᓛᕐᒪᑕ? ᓄᓇᓕᖕᓂ ᑲᓇᑕᒥ ᓈᓚᐅᑎᒃᑯᑦ ᑐᓴᖅᑕᐅᑎᑦᑎᓛᖅᑐᑦ ᐅᐸᓗᖓᐃᔭᐅᑎᓄᑦ ᑐᓴᖅᑕᐅᔪᒃᓴᓂᒃ. ᓈᓚᐅᑎᒃᑯᑦ ᑐᓴᖅᑕᐅᔪᒃᓴᖅ ᓂᓪᓕᖅᑎᑕᐅᓛᖅᑐᖅ ᓰᕖᓰ ᓇᓚᐅᑎᒃᑯᑦ. ᐅᖃᓘᑎᕋᓛᒃᑯᑦ ᑐᓴᖅᑕᐅᔪᒃᓴᑦ ᓂᓪᓕᖅᑎᑕᐅᓛᖅᑐᑦ ᐅᖃᓘᑎᕋᓛᒃᑯᑦ ᐊᑦᑕᑕᖅᓯᒪᔪᓄᑦ LTE ᑐᓴᐅᒪᔪᓕᕆᔾᔪᑎᓄᑦ ᐋᖅᑭᒃᓱᕆᐊᓖᑦ ᐋᖅᑭᒃᓱᖅᓯᒪᓗᑎᒃ ᑐᓴᒐᒃᓴᑦ ᑐᓴᖅᑕᐅᔪᓐᓇᖁᓪᓗᒋᑦ. ᖃᓄᐃᒻᒪᑦ ᑖᔅᓱᒥᖓ ᑐᓴᒐᒃᓴᖅᑖᖅᑎᑕᐅᕗᖓ? ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ, ᑐᐊᕕᕐᓇᖅᑐᓕᕆᔨᒃᑯᑦ ᐱᓕᕆᖃᑎᖃᖅᖢᑎᒃ ᑐᐊᕕᕐᓇᖅᑐᖃᓕᕐᓂᖅᐸᑦ ᐅᐸᓗᖓᐃᔭᖅᑎᒃᑯᓐᓂ, ᖃᐅᔨᓴᕐᓂᐊᖅᑐᑦ ᖃᐅᔨᓴᕈᑎᓂᒃ ᖃᐅᔨᒪᔪᒪᓪᓗᑎᒃ ᑐᐊᕕᕐᓇᖅᑐᖃᓕᕐᓂᖅᐸᑦ ᑐᓴᖅᑕᐅᔪᒃᓴᑦ ᑐᓴᖅᑕᐅᑦᑎᐊᕈᓐᓇᕐᒪᖔᑕ ᑐᐊᕕᕐᓇᖅᑐᖃᓪᓚᑦᑖᓕᕐᓂᖅᐸᑦ. ᖃᐅᔨᓴᕈᑎᑦ ᐃᓕᓐᓂᐊᖅᑎᑦᑎᔾᔪᑕᐅᕗᑦ ᑲᓇᑕᒥᐅᓄᑦ ᑐᐊᕕᕐᓇᖅᑐᖃᓕᕐᓂᖅᐸᑦ ᖃᓄᐃᑦᑑᓇᔭᕐᒪᖔᑦ ᖃᓄᕐᓗ ᓂᐱᖃᕋᔭᕐᒪᖔᑦ ᐃᓅᓯᕐᒧᑦ ᐊᑦᑕᕐᓇᖅᑐᒥᒃ ᓴᖅᑭᑦᑐᖃᕐᓂᖅᐸᑦ. ᖃᓄᖅ ᑖᒃᑯᐊ ᖃᐅᔨᓴᕈᑏᑦ ᐅᕙᓐᓄᑦ ᐊᒃᑑᑎᖃᖅᑎᒋᓂᐊᖅᐸᑦ? ᑖᒃᑯᐊ ᖃᐅᔨᓴᕈᓰᑦ ᐊᒃᑐᐃᑐᐃᓐᓇᕐᓂᐊᖅᑐᑦ ᑕᓚᕖᓴᓂᒃ ᐊᒻᒪ ᓈᓚᐅᑎᓂᒃ ᕿᔾᔭᓪᓗᒐᖏᓐᓂᒃ 30 ᑎᑦᑕᑯᓗᐃᑦ ᐅᖓᑖᓅᙱᑦᑐᖅ ᐊᒻᒪ 8−ᓄᑦ ᑎᑦᑕᑯᓗᖕᓄᑦ ᐅᖃᓘᑎᕋᓛᒃᑯᑦ ᓂᓪᓕᐊᓇᔭᖅᖢᓂ. ᖃᓄᐃᓕᐅᕆᐊᖃᕋᔭᖅᐳᖓ? ᖃᓄᐃᓕᐅᖅᑐᖃᕋᓱᒋᐊᖃᕋᔭᙱᑦᑐᖅ ᐃᓄᖕᓂ ᑖᒃᑯᐊ ᖃᐅᔨᓴᕈᑎᑦ ᑐᓴᖅᓴᐅᑎᑕᐅᓕᕐᓂᖅᐸᑕ. ᖃᓄᐃᒻᒪᓪᓕ ᖃᐅᔨᓴᕈᑎᓂᒃ ᑐᓴᙱᓚᖓ? ᐅᖃᓘᑎᕋᓛᑦ ᐊᔪᙱᓐᓂᕆᔭᖏᑦ, ᐊᑦᑕᑕᖅᑎᓯᒪᔪᑦ LTE ᑐᓴᐅᒪᔪᓕᕆᔾᔪᑎᓄᑦ, ᐅᖃᓘᑎᕋᓛᓄᑦ ᓇᑉᐸᖅᑯᑎᓄᑦ ᑎᑭᐅᑎᓯᒪᔪᑦ ᐊᔪᙱᑦᑐᓪᓗ, ᐅᖃᓘᑎᕋᓛᓄᑦ ᐋᖅᑭᒃᓯᒪᓂᖏᓪᓗ ᐊᒃᑑᑎᓛᖅᑐᑦ ᐅᖃᓘᑎᕋᓛᒃᑯᑦ ᐅᖃᓗᒃᑐᓄᑦ ᖃᐅᔨᓴᕈᑎ ᑐᓴᖅᑕᐅᔪᒃᓴᖅ ᓂᓪᓕᐊᓕᖅᐸᑦ. ᑕᑯᒋᐊᕐᓂᐊᖅᐸᓯᐅᒃ ᖃᓄᐃᓕᐅᕐᓗᒍ ᖃᐅᔨᓇᓱᒍᓐᓇᕐᒪᖔᑦ LTE−ᒧᑦ ᐊᔪᙱᑎᑕᐅᔪᑦ ᐋᖅᑭᒃᓯᒪᔪᓂᒃ ᑕᕝᕙᓂ ᒪᒃᐱᖅᑐᒐᕐᒥ ᑐᑭᓯᒋᐊᖃᒃᑲᓐᓂᕈᔅᓯ ᑐᓴᕈᓐᓇᐅᑎᓯ ᐊᑦᑕᑕᖅᓯᒪᖕᒪᖔᑕ LTE-ᒧᑦ. ᓄᓇᔅᓯᓐᓂ ᑕᓚᕖᓴᒃᑯᑦ ᕿᓪᓚᔾᔪᒐᕐᓄᑦ ᐊᑦᑕᑕᖅᓯᒪᔪᑦ ᐅᓄᙱᓗᐊᖅᐸᑕ, ᑐᓴᖅᑕᐅᔪᒃᓴᖅ ᑐᓴᖅᑕᐅᑎᑕᐅᑐᐃᓐᓇᕋᔭᖅᐳᖅ ᓯᓚᓐᓂᐊᕈᑎᓕᕆᔨᒃᑯᑎᒍᑦ. ᓈᓚᐅᑎᒃᑯᑦ ᑐᓴᖅᑕᐅᔪᒃᓴᑦ ᑐᓴᖅᓴᐅᑎᑕᐅᓛᖅᑐᑦ ᓰᕖᓰ ᓈᓚᐅᑎᒃᑯᑦ ᐅᖃᓕᒫᖅᑕᐅᓛᙱᖦᖢᑎᒡᓗ ᓄᓇᓕᖕᓂ ᓈᓚᐅᑎᒃᑯᑦ. ᖃᓄᐃᓕᐅᕐᓗᒍ ᖃᐅᔨᓇᓱᒍᓐᓇᕐᒪᖔᑦ LTE−ᒧᑦ ᐊᔪᙱᑎᑕᐅᔪᑦ ᐋᖅᑭᒃᓯᒪᔪᓄᑦ ᖃᕋᓴᐅᔭᒃᑯᑦ ᐊᑐᖅᑎᓄᑦ: ᐊᔪᙱᑦᑐᑦ ᑐᓴᕈᓐᓇᐅᑏᑦ ᐊᑦᑕᑕᖅᓯᒪᔭᕆᐊᖃᕐᓂᐊᖅᑐᑦ LTE ᑐᓴᐅᒪᔪᓕᕆᔾᔪᑎᓄᑦ ᖃᐅᔨᓴᕈᑕᐅᓗᓂ ᓂᓪᓕᖅᑎᑕᐅᓂᐊᖅᑐᖅ ᓂᓪᓕᖅᑎᑕᐅᑎᓪᓗᒍ. ᓇᓗᓇᐃᒃᑯᑕᖅ, ᑐᓴᕈᓐᓇᐅᑎᕕᑦ ᑕᓕᖅᐱᐊᓂ ᖁᓛᓃᒡᒍᔪᖅ, ᐃᑲᔫᑎᒋᔪᓐᓇᕐᓂᐊᖅᐸᑦ ᖃᐅᔨᔾᔪᑎᒋᓗᒍ ᓇᓕᐊᖕᓄᑦ ᑐᓴᕈᓐᓇᐅᑎᒧᑦ ᐊᑦᑕᑕᖅᓯᒪᖕᒪᖔᖅᐱᑦ. IPhone−ᖃᖅᑐᑦ: WPA-ᒧᑦ ᐊᑦᑕᑕᖅᓯᒪᔪᑦ ᐊᑦᑕᑕᖅᓯᒪᔭᕆᐊᖃᕐᓂᐊᖅᑐᑦ LTE ᑐᓴᐅᒪᔪᓕᕆᔾᔪᑎᓄᑦ ᖃᐅᔨᓴᕈᑕᐅᓗᓂ ᓂᓪᓕᖅᑎᑕᐅᓂᐊᖅᑐᖅ ᓂᓪᓕᖅᑎᑕᐅᑎᓪᓗᒍ. ᓇᓗᓇᐃᒃᑯᑕᖅ, ᑐᓴᕈᓐᓇᐅᑎᕕᑦ ᑕᓕᖅᐱᐊᓂ ᖁᓛᓃᒡᒍᔪᖅ, ᐃᑲᔫᑎᒋᔪᓐᓇᕐᓂᐊᖅᐸᑦ ᖃᐅᔨᔾᔪᑎᒋᓗᒍ ᓇᓕᐊᖕᓄᑦ ᑐᓴᕈᓐᓇᐅᑎᒧᑦ ᐊᑦᑕᑕᖅᓯᒪᖕᒪᖔᖅᐱᑦ. ᑭᓯᐊᓂ, ᐱᒻᒪᕆᐅᒋᕗᖅ ᑐᑭᓯᐊᒋᐊᒃᓴᖅ LTE−ᖃᖅᑐᒦᖃᑕᐅᒐᓗᐊᕈᕕᑦ, ᑐᓴᕈᓐᓇᐅᑏᑦ ᐱᓕᕆᓪᓗᐊᖅᑎᓪᓗᒍ ᖃᐅᔨᓴᕈᑎ ᓂᓪᓕᖅᑎᑕᐅᑎᓪᓗᒍ ᑐᓴᕈᓐᓇᕋᔭᙱᑕᑦ. ᓲᕐᓗ:
ᑐᐊᕕᕐᓇᖅᑐᓕᕆᔨᒃᑯᑦ ᖃᓄᐃᓕᐅᕋᔭᖅᐸᑦ ᖃᐅᔨᓴᕐᓂᐊᕐᓗᒋᑦ ᒫᓐᓇ ᖃᐅᔨᓴᕈᑕᐅᔪᑦ NEM ᑭᐅᔭᐅᖃᑦᑕᕐᓂᐊᖅᑐᑦ ᓄᓇᕗᒥᐅᓂᒃ ᐃᕐᖐᓐᓈᕈᑎᑦᑎᒍᑦ NPAS@gov.nu.ca ᑭᐅᔾᔪᑕᐅᔪᓪᓗ ᖃᐅᔨᔾᔪᑎᒋᓗᑎᒍᑦ ᐃᓱᒪᓕᐅᕈᑎᒋᓗᒋᑦ ᓇᒧᑦ ᑎᑭᐅᑎᔪᓐᓇᕐᓂᕆᔭᖓᓐᓄᑦ ᐊᑑᑎᖃᕐᓂᕆᔭᖓᓐᓄᓪᓗ ᖃᐅᔨᓴᕈᑕᐅᔪᒧᑦ. ᖃᓄᒃᑲᓐᓂᖅ ᓄᓇᕗᒥᐅᑦ ᐅᔾᔨᕈᓱᓕᖅᑎᑕᐅᒃᑲᓐᓂᕈᓐᓇᖅᐸᑦ ᑐᐊᕕᕐᓇᖅᑐᖃᓕᕐᓂᖅᐸᑦ ᑐᐊᕕᕐᓇᖅᑐᖃᓕᕐᓂᖅᐸᑦ ᕼᐋᒻᒪᓚᒃᑯᑦ ᖃᐅᔨᒋᐊᕐᕕᒋᓇᔭᖅᑕᕗᑦ ᓇᓂ ᑐᐊᕕᕐᓇᖅᑐᖅᑕᖃᕐᒪᖔᑦ ᑐᓴᖅᑎᑦᑎᓇᔭᖅᑐᓪᓕ ᓄᓇᕗᒥᐅᓄᑦ ᓇᖕᒥᓂᖅ ᕿᓪᓚᔾᔪᒐᖏᑦᑎᒍᑦ. ᑐᓴᒐᒃᓴᓕᐊᕆᔭᐅᓇᔭᖅᑐᑦ ᓄᓇᓕᖕᓂ ᓈᓚᐅᑎᒃᑯᑦ ᐅᕝᕙᓘᓐᓃᑦ ᐱᔾᔪᑎᒃᓴᓂᒃ ᐊᑐᕐᓗᑎᒃ ᒪᓂᖅᑲᒃᑯᑦ ᑐᓴᖅᑕᐅᔪᒃᓴᖅ ᑐᓴᖅᑕᐅᑎᓐᓇᓱᒡᓗᒍ. ᓇᒧᑦ ᖃᐅᔨᒋᐊᒃᑲᓐᓂᕈᓐᓇᖅᐳᖓ? ᖃᐅᔨᒋᐊᒃᑲᓐᓂᕈᒪᒍᕕᑦ ᑐᐊᕕᕐᓇᖅᑐᖃᓕᕐᓂᖅᐸᑦ ᐅᐸᓗᖓᐃᔭᐅᑎᓂᒃ, ᐅᕗᙵᕈᓐᓇᖅᐳᓯ ᐃᑭᐊᖅᑭᕕᖕᒧᑦ Alertready.ca. ᑐᑭᓯᒋᐊᒃᑲᓐᓂᕈᒪᒍᔅᓯ ᓄᓇᕗᒥᐅᑦ ᐊᒃᑐᖅᑕᐅᓂᖏᓐᓂᒃ, ᐃᕐᖐᓐᓈᖅᑕᐅᒃᑯᑦ ᑎᑎᕋᕈᓐᓇᐅᖅᐳᓯ ᐅᕗᖓ NPAS@gov.nu.ca ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕈᔅᓯ ᐊᒻᒪ/ᐅᕝᕙᓘᓐᓃᑦ ᐃᓱᒫᓘᑎᒃᓴᖃᕈᔅᓯ. |
| |