Nunallaani Auladjutikhat

Aturaaqpaktakhami tikittumayainut takuyumayainullu Nunallaani Auladjutikhat havagvia ikayugianginni tamainnik nunallaanik Nunavunmi ihuaqtumik piqaqhuni atuqtakhanut ikayuutikhanik auladjutikhanut taimaa nunallaat inmikkut havakpagianginni. Taimaatut nunallaat maniliurpagianginni, nuatqatgiittiarlutik pitquhirmingnilu ihuaqpiaktumik pilutik.

Havagumayait Nunallaani Auladjutikhat havagvia naunaikhilutik tunihilutiklu tamainnik GN-kut Kanataup kavamangalu manikhait nunallaani Auladjutikhanut havaktauyakhanik. Havagvia piyakhait ihuaqtumik, nakuuyumiklu pilutik, ihuaqtumik pilugit nunallaani piyumayainut maligakhanullu piyakhait.

Havagviup tikittumayait ihuaqtumik piyait ikayuqtauvlutik ukunanga NCIAC (Nunavunmi Nunallaanut Aulapkaidjutikhainut Uqaudjiyit Katimayiit) havaktauhimayakhanut upalungaiyautikhat havaktakhatik. Taimaatut pidjutait ihuaqtut angiyunik Auladjutikhanut ayuqhautit naunaiktauyaanginni, havaktaulluagakhat hivun’nganut pilugit ihuaqtullu Auladjutikhat ikayuutigilugit tamainnut nunallaanut. Havagvia ikayuutiginiaqtait qaritauyakkuurutikhat havaakhamullu upalungaiyautikhanut allanut CGS-kuni havagviinni manikhainullu allatqiinut haamlatkuni ayuiqhaudjutikhanut hanaqidjutikhat.

Qaritauyakkut takuyakturlugu www.buildingnunavut.com takuyumagupkit nunallaani aulattiarnirmut upalungaiyautikhat ukuallu tadja manikhaqaqtut havaakhauyut

Naunaitkutikhanut NCIAC-mut unalu Akituyunut Piqutinut Upalungaidjutikhat pivagait, takulugu pigiyakkut 2013-14 Tuhaqtittidjutit [link]