ᓄᓇᓕᖕᓂ ᐊᐅᓚᔪᓐᓇᐅᑎᓕᕆᔨᑦ

ᐊᑯᓂᐅᔪᒃᑯᑦ ᑐᕌᒐᕆᔭᐅᔪᖅ ᑕᐅᑐᖅᑰᖅᑕᐅᔪᕐᓗ ᓄᓇᓕᖕᓂᒃ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ ᐱᕕᖃᖁᓪᓗᒋᑦ ᓄᓇᓕᓕᒫᑦ ᓄᓇᕗᒻᒥ ᐱᓕᕆᐊᒃᓴᖅᑕᖃᑦᑎᐊᖅᐳᖅ ᐊᔪᕈᓐᓃᖅᑕᐅᕙᒃᑐᓂᒃ ᐃᑲᔪᖅᓱᐃᔾᔪᑎᓂᒡᓗ ᐊᐅᓚᔪᓐᓇᐅᑎᓄᑦ ᐊᔪᕈᓐᓃᕈᑎᒃᓴᓂᒃ ᓄᓇᓕᖕᒥᐅᓂᒃ ᓇᖕᒥᓂᓱᖅᕈᓐᓇᖅᓯᑎᓪᓗᒋᑦ. ᑖᓐᓇ ᐱᕕᖃᕈᑕᐅᓂᐊᖅᑐᖅ ᓄᓇᓕᖕᓂᒃ ᑮᓇᐅᔭᓕᕆᓂᒃᑯᑦ, ᐃᓅᖃᑎᒌᖕᓂᒃᑯᑦ ᐊᒻᒪ ᐃᓕᖅᑯᓯᒃᑯᑦ ᐱᔪᓐᓇᕐᓂᖅᑖᕈᑕᐅᑦᑎᐊᕈᓐᓇᓕᒑᔪᖅ.

ᓄᓇᓕᖕᓂ ᐊᐅᓚᔪᓐᓇᐅᑎᓕᕆᔨᒃᑯᑦ ᐱᓕᕆᐊᒃᓴᖃᖅᐳᑦ ᓴᐳᔾᔨᒋᐊᖃᖅᖢᑎᒃ ᓴᓂᕐᕙᐃᔭᕆᐊᖃᖅᖢᑎᒡᓗ ᑕᒪᐃᓐᓂᒃ ᓄᓇᕗᑦ ᒐᕙᒪᒃᑯᑦ ᐊᒻᒪ ᑲᓇᑕᒥ ᑮᓇᐅᔭᓂᒃ ᓄᓇᓕᖕᓂ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ ᐱᓕᕆᐊᖑᔪᓂᒃ. ᑖᒃᑯᐊ ᐱᓕᕆᕝᕖᑦ ᑕᐃᒪᐃᓕᐅᕆᐊᖃᕐᒪᑕ ᓇᓕᒧᒌᒃᑎᑦᑎᓗᑎᒃ, ᐊᔾᔨᒌᒃᑎᑦᑎᓗᑎᒃ ᐊᒻᒪ ᑲᙳᓇᖅᑑᙱᓪᓗᑎᒃ ᐱᓕᕆᔾᔪᓰᑦ, ᓇᓕᒧᒌᒃᑎᓕᖅᑎᓪᓗᒋᑦ ᑕᒪᕐᒥᒃ ᓄᓇᓕᖕᓂ ᐱᔭᐅᔭᕆᐊᓖᑦ ᐊᒻᒪ ᒪᓕᒐᑎᒎᖓᔭᕆᐊᖃᕐᓂᐊᕐᓂᖏᓐᓄᑦ.

ᐱᓕᕆᕝᕕᖕᒥ ᑐᕌᒐᕆᔭᐅᔪᑦ ᐊᓂᒍᖅᑎᑕᐅᓲᖑᕗᑦ ᐃᑲᔪᖅᓱᖅᑕᐅᓪᓗᑎᒃ ᓄᓇᕗᒻᒥ ᓄᓇᓕᖕᓂ ᐊᐅᓚᔪᓐᓇᐅᑎᓕᕆᔨᒃᑯᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᑦ ᐊᒻᒪ ᐃᖏᕐᕋᑦᑎᐊᕈᑎᓄᑦ ᐸᕐᓇᐃᔾᔪᑎᒃᓴᓂᒃ. ᑖᓐᓇ ᐱᓕᕆᔾᔪᓯᖅ ᓇᓗᓇᙱᔾᔪᑕᐅᕗᖅ ᐱᕐᔪᐊᖑᔪᓂᒃ ᐊᐅᓚᔪᓐᓇᐅᑎᓂᒃ ᐱᑕᖃᙱᓐᓂᐅᔪᑦ ᓇᓗᓇᐃᖅᑕᐅᓗᑎᒃ, ᓯᕗᓪᓕᐅᑎᔭᐅᔪᒪᔪᑦ ᐱᓕᕆᐊᑦ ᓴᖅᑭᑕᐅᓗᑎᒃ ᐱᓕᕆᐊᖑᔪᒃᓴᙳᖅᑎᑕᐅᓗᑎᒃ ᐊᒻᒪ ᐱᔭᕆᐊᖃᖅᑐᑦ ᐊᐅᓚᔪᓐᓇᐅᑎᑦ ᐊᑐᐃᓐᓇᕈᖅᑎᑕᐅᓗᑎᒃ ᑕᒪᐃᓐᓄᑦ ᓄᓇᓕᖕᓄᑦ. ᐱᓕᕆᕝᕕᒃ ᒪᓂᒻᒪᐃᑎᑦᑎᖃᑦᑕᕆᕗᑦ ᐱᓕᕆᔾᔪᑎᓂᒃ ᐊᒻᒪ ᐱᓕᕆᐊᓄᑦ ᐸᕐᓇᐅᑎᓂᒃ ᐊᓯᖏᓐᓄᑦ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐱᓕᕆᕝᕕᖏᓐᓄᑦ ᐃᓚᓕᐅᔾᔭᐅᓪᓗᑎᒃ ᑮᓇᐅᔭᖃᖅᑎᑦᑎᓂᖅ ᖃᔅᓯᑲᓪᓛᓗᖕᓄᑦ ᓄᓇᓕᖕᓂ ᒐᕙᒪᐅᒋᔭᐅᔪᑦ ᐱᓕᒻᒪᒃᓴᖅᑐᓕᕆᔾᔪᑎᖏᓐᓄᑦ.

ᐅᕗᖓ ᐃᑭᐊᖅᑭᕕᖕᒧᐊᕈᓐᓇᖅᐳᓯ www.buildingnunavut.com ᑕᑯᓂᐊᕈᒪᒍᔅᓯᐅᒃ ᓄᓇᓕᖕᓂ ᐸᕐᓇᐅᑎᑦ ᐊᒻᒪ ᒫᓐᓇᓕᓴᑦ ᑮᓇᐅᔭᖃᖅᑎᑕᐅᓪᓗᑎᒃ ᐱᓕᕆᐊᑦ

ᑐᑭᓯᒋᐊᒃᑲᓐᓂᕈᒪᒍᔅᓯ ᓄᓇᕗᒻᒥ ᓄᓇᓕᖕᓂ ᐊᐅᓚᔪᓐᓇᐅᑎᓕᕆᔨᒃᑯᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᑦ ᐱᓪᓗᒋᑦ ᐊᒻᒪ ᐊᑭᑐᔪᑦ ᐸᕐᓇᒃᑕᐅᕙᓪᓕᐊᔪᑦ, ᑕᑯᒋᐊᕈᓐᓇᖅᑕᓯ ᐱᕙᓪᓕᐊᔫᓪᓗᑎᒃ ᐅᖃᓕᒫᒐᑦ 2013-14-ᒨᖓᔪᑦ [link]