ᐱᑖᖅᑐᓲᑦ, ᐱᓕᕆᔾᔪᑎᓕᕆᓲᑦ ᐊᒻᒪ ᑳᓐᑐᓛᒃᑯᑦ ᐃᑲᔪᖅᓱᐃᓲᑦ

ᐱᑖᖅᑐᓲᑦ, ᐱᓕᕆᔾᔪᑎᓕᕆᓲᑦ ᐊᒻᒪ ᑳᓐᑐᓛᒃᑯᑦ ᐃᑲᔪᖅᓱᐃᓲᑦ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ ᑳᓐᑐᓛᒃᑎᑦᑎᓂᕐᒧᑦ ᐱᔪᓐᓇᐅᑎᖃᕐᕕᐅᖕᒪᑦ ᓄᓇᕗᑦ ᒐᕙᒪᒃᑯᓐᓄᑦ. ᖃᐅᔨᒪᔨᑕᐅᑦᑎᐊᕐᒪᑕ ᓂᐅᕕᖅᑕᐅᔪᓐᓇᖅᑐᓕᒫᓂᒃ ᐊᒻᒪ ᐱᓕᕆᐊᖑᔭᕆᐊᖃᖅᑐᓂᒃ, ᐃᓚᒋᔭᐅᓪᓗᑎᒃ ᐊᑭᑦᑐᕋᐅᑎᓄᑦ ᐱᕙᒌᔭᕈᑎᑦ, ᑐᒃᓯᕋᐅᑎᑦ ᖃᐅᔨᒋᐊᕈᒪᓂᕐᒧᑦ ᐱᒋᐊᖅᑎᑕᐅᔪᑦ ᐊᒻᒪ ᑳᓐᑐᓛᓂᒃ.

ᑖᒃᑯᐊ ᐱᓕᕆᕝᕖᑦ ᐃᑭᐊᖅᑭᕕᖃᕐᒥᔪᑦ ᑐᑭᓯᒋᐊᒐᒃᓴᖃᑦᑎᐊᖅᖢᓂ ᑳᓐᑐᓛᒃᑎᑦᑎᓂᐅᑉ ᒥᒃᓵᓄᑦ ᓴᖅᑭᑕᐅᔪᓂᒃ ᓄᓇᕗᑦ ᒐᕙᒪᒃᑯᓐᓄᑦ. ᐃᑭᐊᖅᑭᕕᒃ ᐃᒪᓐᓇ ᑐᕌᕈᑎᖃᖅᑐᖅ: http://public.govnu.ca/.

ᐊᐱᖅᑯᑕᐅᒐᔪᒃᑐᑦ - ᓂᐅᕕᕐᕕᐅᓲᑦ
ᑖᓐᓇ ᐊᒡᒍᖅᓯᒪᓂᖓ ᐃᑲᔫᑕᐅᓇᓱᒃᑐᖅ ᓄᑖᓄᑦ ᓂᐅᕕᕐᕕᐅᑐᐃᓐᓇᕆᐊᓕᖕᓄᓪᓗ ᓄᓇᕗᑦ ᒐᕙᒪᒃᑯᓐᓄᑦ ᒪᓂᒻᒪᒃᑕᐅᕙᒡᓗᑎᒃ ᑐᓴᖅᑕᐅᔭᕆᐊᖃᓪᓗᐊᑕᖅᑐᑦ. ᐊᐱᖅᑯᑎᒃᓴᖅᑕᖃᒃᑲᓐᓂᖅᐸᑦ ᑕᕝᕙᓂᓗ ᑎᑎᕋᖅᓯᒪᙱᓪᓗᑎᑦ, ᖃᐅᔨᑎᑕᐅᖃᑦᑕᕈᒪᔪᒍᑦ ᖃᐅᔨᒋᐊᕐᕕᐅᓗᑕ.

ᖃᐅᔨᒃᑲᐃᔾᔪᑦ ᐃᓄᖕᓄᑦ ᐊᒻᒪ ᓄᓇᕗᒻᒥ ᓇᖕᒥᓂᖃᕐᕕᐅᔪᓄᑦ
ᓇᖕᒥᓂᖃᕈᕕᑦ ᐊᐅᓚᑦᑎᒍᕕᓪᓘᓐᓃᑦ ᐃᓄᖕᓄᑦ ᓄᓇᕘᒧᓪᓘᓐᓃᑦ ᓇᖕᒥᓂᕆᔭᐅᔪᒥᒃ, ᖃᐅᔨᒪᔭᕆᐊᖃᖅᐳᑎᑦ ᓄᓇᕗᑦ ᒐᕙᒪᒃᑯᑦ ᐱᒋᐊᕈᑎᓄᑦ ᐊᑐᐊᒐᖓᓐᓂᒃ. ᐊᓯᔾᔨᕈᑎᒋᔪᓐᓇᕋᖕᓂ ᒐᕙᒪᒃᑯᓐᓄᑦ ᑐᒃᓯᕋᐅᑎᓄᑦ ᖃᐅᔨᒋᐊᕈᒪᓂᕐᒧᑦ ᐱᒋᐊᕈᑎᓄᑦ ᐅᕝᕙᓘᓐᓃᑦ ᐊᑭᑦᑐᕋᐅᑎᓄᑦ ᐱᔭᐅᔪᓄᑦ ᐊᓐᓇᐃᔭᐅᔪᓄᓪᓘᓐᓃᑦ.

ᐅᒥᐊᕐᔪᐊᒃᑯᑦ ᑎᑭᓴᐃᓂᖅ
ᐅᒥᐊᕐᔪᐊᒃᑯᑦ ᑎᑭᓴᐃᖃᑦᑕᕐᓂᖅ ᐱᒻᒪᕆᐊᓘᖃᑕᐅᖕᒪᑦ ᓄᓇᕗᒻᒥ ᓄᓇᓕᓕᒫᓄᑦ ᐃᓄᖏᓐᓄᓪᓗ ᐱᔪᒪᓕᕌᖓᑕ ᐊᕐᕌᒍᓕᒫᒧᑦ ᑎᑭᓴᕆᐊᖃᖅᐸᒃᑕᖏᑦ ᑎᑭᓴᒃᑲᓐᓂᕆᐊᖃᓕᕌᖓᒥᒋᑦ ᐱᖁᑎᑦ ᐊᒻᒪ ᐃᓚᒃᓴᑦ ᐱᔭᐅᔭᕆᐊᖃᖅᐸᒃᑐᑦ ᐊᕐᕌᒍᓕᒫᒥ. ᐊᑲᐅᓂᖅᐹᖑᖃᑕᐅᖕᒪᑦ ᒪᑭᒪᔾᔪᑎᓂᒃ ᐅᒥᐊᕐᔪᐊᒃᑯᑦ ᑎᑭᓴᕆᐊᖃᖅᐸᒃᑐᓄᑦ ᐃᓗᐃᑦᑑᑕᐅᔪᓂᒃ ᐱᖁᑎᓂᒃ ᐅᑭᐅᖅᑕᖅᑐᒥᐅᓄᑦ. ᐊᕐᕌᒍᑕᒫᑦ, ᐃᒪᕕᒃᑯᑦ ᐅᒥᐊᕐᔪᐊᑦ ᐃᖏᕐᕋᓲᖑᕗᑦ ᖃᓪᓗᓈᑦ ᓄᓇᓕᐸᐅᔭᖏᓐᓂ ᐅᒥᐊᕐᔪᐊᒃᑯᕕᖏᓐᓂᙶᖅᑐᑦ ᑭᓱᕈᓘᔮᓗᖕᓂᒃ ᐱᖁᑎᓂᒃ ᑎᑭᓴᖅᑕᐅᔪᓂᒃ ᐊᐅᓪᓚᖅᑎᑦᑎᕙᒃᖢᑎᒃ ᒪᑯᓂᖓᕈᓘᔭᖅ ᓲᕐᓗ ᐃᒡᓗᓕᐊᒐᒃᓴᑦ ᐃᓚᒃᓴᖏᑦ, ᓄᓇᓯᐅᑎᑦ, ᓄᓇᒃᑰᕈᑎᕐᔪᐊᑦ, ᐃᒡᓗᒥᐅᑕᑦ ᐊᒻᒪ ᓂᖀᓪᓗ ᓱᕈᔭᙱᑦᑐᑦ.

ᓇᖕᒥᓂᖃᕐᕖᑦ ᑐᙵᓱᒃᑎᑕᐅᓂᖓ
ᑖᓐᓇ ᐊᒡᒍᖅᓯᒪᓂᖓ ᑐᕌᖓᑎᑕᐅᔪᖅ ᐃᑲᔫᑕᐅᔪᓐᓇᕋᓱᒃᖢᓂ ᓴᖅᑭᑐᐃᓐᓇᕆᐊᓕᖕᓄᑦ ᓂᐅᕕᕐᕕᐅᕙᒃᑐᓄᓪᓗ ᖃᐅᔨᒪᖁᔭᐅᑦᑎᐊᖅᐳᓯ ᐱᕐᔪᐊᓂᒃ ᑐᓴᒐᒃᓴᓂᒃ ᖃᐅᔨᒪᔭᕆᐊᖃᖅᑕᔅᓯᓐᓂᒃ ᓇᖕᒥᓂᖃᕐᕕᒃᓯ ᐱᔾᔪᑎᒋᓪᓗᒍ ᐱᓕᕆᖃᑎᖃᕐᓂᐊᓕᕌᖓᔅᓯ ᓄᓇᕗᑦ ᒐᕙᒪᒃᑯᓐᓂ. ᐊᐱᖅᑯᑎᒃᓴᖃᒃᑲᓐᓂᕈᕕᑦ ᑕᕝᕙᓂ ᓴᖅᑭᑕᐅᓯᒪᙱᑦᑐᑦ ᐊᓯᖏᓐᓂᒃ, ᖃᐅᔨᑎᑕᐅᔪᓐᓇᖅᑐᒍᑦ ᖃᐅᔨᒋᐊᕕᐅᓗᑕ. ᐊᒻᒪᓗ, ᖃᐅᔨᒋᐊᒃᑲᓐᓂᓛᕆᕗᓯ ᓄᑖᙳᕆᐊᖅᓯᒪᔪᖃᓕᕐᒪᖔᑦ ᑖᔅᓱᒧᖓ ᐊᒻᒪ ᐊᒡᒍᖅᓯᒪᓂᐅᔪᓂᒃ (ᒫᓐᓇ ᐱᓕᕆᐊᖑᕙᓪᓕᐊᔪᖅ) ᑐᑭᓯᒋᐊᒐᒃᓴᒃᑲᓐᓂᕐᓂᒃ ᐱᕝᕕᐅᔪᓐᓇᖅᑐᖅ ᓄᓇᕗᑦ ᒐᕙᒪᒃᑯᑦ ᓂᐅᕕᖃᑦᑕᕈᓯᖏᓐᓂᒃ.