|
ᐱᓕᕆᔾᔪᑎᓄᑦ ᐱᔨᑦᓯᕋᕐᓂᖅ
ᐱᓕᕆᔾᔪᑎᓄᑦ ᐱᔨᑦᓯᕋᕐᓂᖅ ᐊᑐᐃᓐᓇᐅᑎᑦᓯᔪᖅ ᐱᓕᕆᔾᔪᑎᓂᑦ ᑕᒻᒪᖅᑕᐅᓯᒪᔪᓂᑦ, ᐋᖅᑭᒍᓐᓇᐅᑎᑦᓴᓄᑦ ᑭᐅᔾᔪᑎᓂᓪᓗ ᐃᓱᓕᑦᓯᒪᓕᖅᑎᓪᓗᒍ ᐊᔾᔨᒌᖏᑦᑐᑦ ᐊᑭᑐᔫᑎᓄᑦ ᐱᓕᕆᐊᖑᔪᑦ ᐊᒻᒪ ᐱᑕᖃᕐᓂᐊᖅᑐᓄᑦ ᐱᖁᑎᓄᑦ. ᐱᓕᕆᕝᕕᐅᔪᖅ ᐱᖁᑎᖃᖅᑎᑦᓯᔪᖅ ᐊᒥᓲᓕᖓᓂᐅᔪᓂᑦ ᐱᓕᕆᔪᓐᓇᒻᒪᕆᑦᑐᓂᑦ ᐃᓪᓗᕐᔪᐊᑦ ᐋᖅᑭᑦᓯᒪᓂᖏᓐᓂᑦ, ᓴᓇᓯᒪᓂᖏᓐᓂᑦ, ᐊᐅᓚᐅᓯᕆᓂᕐᒥᑦ, ᐆᒪᖅᑯᑎᓂᑦ ᐊᑐᓗᐊᖏᓐᓂᕐᒥᑦ, ᐊᕙᑎᓕᕆᓂᕐᒧᑦ, ᑭᒃᑐᐃᓐᓇᕐᓄᑦ/ᕼᐋᒻᒪᓚᐅᔪᑦ ᓄᓇᒥᓪᓗ ᖃᐅᔨᓴᖅᑎᒃᑯᑦ ᖃᓄᐃᓕᖓᔭᕆᐊᖃᕐᓃᑦ.
ᐱᔨᑦᓯᕋᕐᓂᖅ ᐱᔨᑦᓯᕋᕐᓂᕐᒥᑦ ᐊᑐᐃᓐᓇᐅᑎᑦᓯᔪᖅ ᐅᑯᓇᖓᑦ:
- ᖃᓄᐃᓕᖓᓂᖓᓂᑦ ᕿᒥᕐᕈᓂᕐᒥᑦ ᐱᔨᑦᓯᕋᕐᓂᕐᒥᑦ ᒐᕙᒪᒃᑯᑦ ᐃᓪᓗᖁᑎᖏᓐᓂᑦ ᕼᐋᒻᒪᓚᐅᔪᑦ/ᑭᒃᑯᑐᐃᓐᓇᕐᓄᑦ ᐱᓕᕆᐊᓄᑦ ᐱᓕᕆᐊᖑᔪᓂᑦ: ᕿᒥᕐᕈᓂᕐᒥᑦ ᐱᓕᕆᑎᑦᓯᔩᑦ ᑐᑦᓯᕋᐅᑎᖏᓐᓂᑦ ᓇᓗᓇᐃᔭᖅᓯᒪᔪᑦ ᖃᓄᐃᓕᖓᓂᖏᓐᓂᑦ, ᐸᕐᓇᐅᑏᑦ ᖃᓄᐃᑑᓂᖏᓐᓂᓪᓗ ᓇᓗᓇᐃᖅᓯᓂᕐᒥᑦ ᑕᒪᖅᓯᒪᖏᑦᑐᒥᑦ ᐱᓕᕆᐊᖑᑎᓪᓗᒍ ᐊᑯᓂᐅᑎᒋᔪᒧᑦ ᖃᓄᐃᓕᖓᓂᖓᓄᑦ ᐃᓪᓗᕐᔪᐊᑦ, ᓴᓇᔭᐅᒍᓐᓇᕐᓂᖏᓐᓄᑦ, ᐃᓪᓗᓕᐅᕐᓂᕐᒧᑦ ᒪᓕᒋᐊᓕᓐᓂᑦ, ᓴᓇᔭᐅᓯᒪᓂᖓᓄᑦ, ᐱᓕᕆᐊᓄᑦ ᐊᐅᓚᑦᓯᓂᕐᒧᑦ ᑎᓕᐅᕆᓂᖅ ᐅᖃᐅᔾᔨᒋᐊᕐᓂᓪᓗ. ᐊᑐᕐᓂᕐᒥᑦ ᖃᓄᐃᓐᓂᕆᔭᐅᕙᓚᐅᖅᑐᓂᒃ ᑎᑎᕋᖅᓯᒪᔪᓂᒃ ᓄᑖᓂᓪᓗ ᐊᑐᖅᑕᐅᕙᓪᓕᐊᔪᓂᑦ ᐊᓯᔾᔨᐸᓪᓕᐊᓂᕆᔭᐅᔪᓄᑦ ᓇᓗᓇᐃᖅᓯᓂᕐᒥᑦ ᑭᖑᓪᓕᖅᐹᖅᓯᐅᑎᓕᒫᑦ ᒪᓕᒋᓕᓐᓂᑦ ᒪᓕᑦᑐᐃᓐᓇᐅᒐᓗᐊᕐᒪᖔᑕ ᐊᑐᐊᒐᕐᓂᓪᓗ ᐱᔭᕆᐊᓕᖏᓐᓂᓪᓗ ᐱᔨᑦᓯᕋᖅᑕᐅᔫᑉ ᓴᓂᕐᕙᑦᑕᐅᓯᒪᔪᓄᑦ ᑮᓇᐅᔭᓂᑦ ᐊᑐᖅᑐᑦᓴᓂᑦ.
- ᐱᓕᕆᔾᔪᑎᓂᑦ ᖃᐅᔨᓴᕐᓂᕐᒥᑦ ᐅᓂᒃᑳᓕᐅᕐᓂᕐᒥᓪᓗ: ᑲᒪᒋᔭᖃᕐᓂᕐᒥᑦ ᐱᓕᕆᔾᔪᑎᓂᑦ ᖃᐅᔨᓴᕐᓂᕐᒥᑦ ᐊᑐᕐᓂᕐᒥᓪᓗ ᓴᖅᑭᐸᓪᓕᐊᔪᓂᑦ ᑐᑭᓯᔾᔪᑎᓂᑦ ᐱᐅᓯᒋᖃᖁᔨᓂᕐᒥᑦ ᐱᑕᖃᖅᐸᒌᑦᑐᓄᑦ ᓇᑉᐸᖅᑎᑕᐅᓯᒪᔪᓄᑦ ᓯᕗᓂᑦᓴᒥᓪᓗ ᖃᓄᐃᓂᖓᓕᖏᓐᓂᑦ.
- ᐱᓕᕆᔾᔪᑎᓂᑦ ᐊᑐᖅᑕᐅᕙᒃᑐᑦ: ᓴᖅᑭᑎᑦᓯᓂᕐᒥᑦ ᓄᑖᙳᑎᑦᓯᓂᕐᒥᓪᓗ ᐱᓕᕆᔾᔪᑎᓂᑦ ᐊᑐᖅᑕᐅᕙᑦᑐᓂᑦ ᒪᓕᒐᑦᓴᐃᓪᓗ, ᐊᒻᒪ ᖃᓄᐃᓕᖓᓂᖓ ᓴᓇᓂᕐᒧᓪᓗ ᐊᑐᐊᒐᐃᑦ.
- ᐱᓕᕆᐊᓂᑦ ᖃᐅᔨᓴᕐᓂᕐᒥᑦ: ᑲᒪᒋᔭᖃᕐᓂᕐᒥᑦ ᖃᐅᔨᓴᕐᓂᕐᒥᑦ ᓴᓇᔭᐅᔪᓄᑦ ᓴᓇᕕᐊᓗᒃ ᐃᓄᖃᓕᖅᑎᓪᓗᒍ ᒐᕙᒪᒃᑯᑦ ᓄᓇᕗᒻᒥᑦ ᐊᖏᔫᑎᓄᑦ ᐊᑭᑐᔫᑎᓄᑦ ᐱᓕᕆᐊᓄᑦ ᖃᐅᔨᓴᕐᓂᕐᒥᑦ ᐃᑲᔪᖅᑐᕐᓂᕐᒥᑦ ᐱᓕᕆᔾᔪᑎᓂᑦ ᐊᑐᖅᑕᐅᕙᑦᑐᓂᑦ ᖃᓄᐃᓕᖓᓂᖏᓐᓂᓪᓗ ᒪᓕᒐᑦᓴᓂᑦ.
- ᐱᓕᕆᔾᔪᑎᓂᑦ ᐃᑲᔪᖅᑐᕐᓂᖅ: ᐊᔪᙱᒻᒪᖔᑦ ᖃᐅᔨᓴᕐᓂᕐᒥᑦ ᐃᓪᓗᕐᔪᐊᕐᓂᑦ ᐊᑐᖅᑕᐅᖃᑦᑕᖅᑐᓂᑦ ᐃᓕᓐᓂᐊᑎᑦᓯᓂᕐᒥᓪᓗ ᐃᓄᓐᓂᑦ ᐊᐅᓚᑦᓯᓂᕐᒥᑦ ᑲᒪᒋᔭᖃᕐᓂᕐᒥᓪᓗ ᐃᓪᓗᕐᔪᐊᕐᓂᑦ.
- ᐆᒪᖅᑯᑎᓂᑦ ᐊᐅᓚᑦᓯᓂᕐᒥᑦ ᐱᓕᕆᐊᑦ: ᑲᒪᒋᔭᖃᕐᓂᕐᒥᑦ ᐆᒪᖅᑯᑎᓂᑦ ᖃᐅᔨᓴᕐᓂᕐᒥᑦ ᓴᖅᑭᑎᑦᓯᓂᐊᕐᓂᕐᒥᑦ ᐆᒪᖅᑯᑎᓕᕆᓂᕐᒧᑦ ᐊᐅᓚᑦᓯᓂᕐᒥᑦ ᐋᖅᑭᒋᐊᕆᓂᕐᒥᓪᓗ ᐱᓕᕆᐊᑦᓴᓂᑦ ᐃᓪᓗᕐᔪᐊᕐᓄᑦ
ᖃᐅᔨᒋᐊᕐᕕᒃ:
ᓂᐅᓴᓐ ᐱᔅᑯ
ᑐᑭᒧᐊᑦᑎᑦᓯᔨ, ᐱᓕᕆᔾᔪᑎᓄᑦ ᐱᔨᑦᓯᕋᕐᓂᕐᒧᑦ
ᓄᓇᓕᓐᓂᑦ ᒐᕙᒪᒃᑯᓐᓂᓪᓗ ᐱᔨᑦᓯᕋᖅᑎᒃᑯᑦ
ᒐᕙᒪᒃᑯᑦ ᓄᓇᕗᒻᒥᑦ
ᑎᑎᖅᑲᑯᕕᖓ 1000, ᑐᕋᕐᕕᖓ 620
ᐃᖃᓗᐃᑦ, ᓄᓇᕗᑦ X0A 0H0
ᐅᖄᓚᐅᑎᖓ: (867) 975-5440
ᓱᑲᑦᑐᒃᑯᑦ: 867-975-5457
ᐃᕐᒌᓐᓇᒃᑰᕈᑖ: npisco@gov.nu.ca
|
|
